Spillbericht Senior 1 Championnat Sonndeg,09.03.2008 15.00h : Moutfort - Tricolore 0:0

Wieder : bedeckt

Terrain : knubbëleg

Zuschauer : 40

Magerkost kruten d'Läit zu Moutfort gebueden.

Vun Ufank un huet Tricolore d'Spill gemaach a Moutfort stoung déif hannendrann. Goalchancen waren awer rar geséit. Déi eenzeg

hat de Carlo Antonicelli no enger Flank vum Antonio Curioso, mee säi Schoss ass um 1.Poto driwwer gaang. Ausser nach e puer

harmlos Schëss war et dat awer schon.

Am 2.Duerchgang huet Moutfort deelweis d'Spill gemaach, ouni awer geféierlech ze ginn.Eréischt an de leschten 10 Minutten war

Tricolore ërem méi aktiv, an de Pietro Lombardini hat eng gutt Goalchance, wéi hien op der lénkser Säit an de Strofraum agedrongen

ass, mee säi Schoss konnte de Moutforter Goalie paréiren. 

Vill Kampf, net vill kreatives, Tricolore hat 2 Goalchancen, a Moutfort keng, schwaache Mätch.